სამსონ ქუთათელაძის მკვლელობისთვის ბრალდებულ გ.ჭ.-ს აღკვეთის ღონისძიების სახით პატიმრობა შეეფარდა

timer.ge თაიმერი
: timer.ge თაიმერი აგვისტო 10, 2018 20:20

სამსონ ქუთათელაძის მკვლელობისთვის ბრალდებულ გ.ჭ.-ს აღკვეთის ღონისძიების სახით პატიმრობა შეეფარდა

რუსთავის საქალაქო სასამართლომ სრულად გაიზიარა ბრალდების მხარის შუამდგომლობა და სამსონ ქუთათელაძის განზრახ მკვლელობისა და ცეცხლსასროლი იარაღის და საბრძოლო მასალის მართლსაწინააღმდეგო შეძენა, შენახვა, ტარებისთვის ბრალდებულ გ.ჭ.-ს აღკვეთის ღონისძიების სახით პატიმრობა შეუფარდა.
სამართალდამცველებმა გ.ჭ. მოსამართლის განჩინების საფუძველზე 2018 წლის 7 აგვისტოს დააკავეს.
გამოძიებით დადგინდა, რომ გ.ჭ.-ს ფინანსური და სხვა პირადი უთანხმოება გააჩნდა ქ.რუსთავში არსებულ ბაზრობის (შპს ,,ერთობა“) ერთ-ერთ მფლობელ – სამსონ ქუთათელაძესთან. აღნიშნული მიზეზით იგი 2018 წლის 15 იანვარს, დაახლოებით 16:00-17:00 საათებში, ბაზრობის ტერიტორიაზე ცეცხლსასროლი იარაღით მივიდა, სადაც სამსონ ქუთათელაძეს შეხვდა, შეჰყვა მას სამუშაო ოთახში და შურისძიების მოტივით, განზრახ მოკვლის მიზნით, ცეცხლსასროლი იარაღიდან რამდენჯერმე ესროლა, შემდეგ კი შემთხვევის ადგილიდან მიიმალა. სამსონ ქუთათელაძე გ.ჭ.-ს მიერ მიყენებული ცეცხლნასროლი ჭრილობების შედეგად ადგილზე გარდაიცვალა.
სისხლის სამართლის საქმეზე გამოძიებას განაგრძობს შინაგან საქმეთა სამინისტრო. გ.ჭ.-სთვის წარდგენილი ბრალდება სასჯელის სახედ და ზომად 7-დან 15 წლამდე თავისუფლების აღკვეთას ითვალისწინებს.

timer.ge თაიმერი
: timer.ge თაიმერი აგვისტო 10, 2018 20:20

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


3,436
ვიზიტორი
დღეში
Powered By Google Analytics