სამშენებლო კომპანია „ლ ჯგუფის“ ადვოკატი – „ყაზტრანსგაზი“ ცდილობს, ჯოხი მშენებლებზე გადატეხოს

region
ავტ.: region იანვარი 17, 2019 17:41

სამშენებლო კომპანია „ლ ჯგუფის“ ადვოკატი – „ყაზტრანსგაზი“ ცდილობს, ჯოხი მშენებლებზე გადატეხოს

„ყაზტრანსგაზი“ ცდილობს, ჯოხი გადატეხოს მშენებლებზე, – ამის შესახებ ჟურნალისტებს სამშენებლო კომპანია „ლ ჯგუფის“ დირექტორის, გრიგოლ ჭანტურიას ადვოკატმა, ლექსო კობაიძემ განუცახადა.

ადვოკატის თქმით, დიდ დიღომში, საცხოვრებელ კორპუსში მომხდარ აფეთქებასთან დაკავშირებით ბევრი ადამიანი გამოიკითხა, მათ შორის კორპუსის მშენებლები და სამშენებლო კომპანიის დირექტორი გრიგოლ ჭანტურია.

​„ჯერ გარკვევის პროცესში ვართ. მოგეხსენებათ, ძალიან ბევრი ადამიანი გამოიკითხა აღნიშნულ ფაქტთან დაკავშირებით. ასევე არიან დაბარებულები მშენებლები, რომლებმაც აღნიშნული კორპუსი ააშენეს. მე ვიცავ მათ უფლებებს. ასევე, ვიცავ გრიგოლ ჭანტურიას ინტერესებს“, – აღნიშნა ლექსო კობაიძემ.

მისი თქმით, კორპუსში უსაფრთხოების ნორმები დაცული იყო და მომხდარში არა მშენებლების, არამედ კომპანია „ყაზტრანსგაზის“ პასუხისმგებლობა იკვეთება.

„დიდი ალბათობით, „ყაზტრანსგაზი“ ცდილობს, ჯოხი გადატეხოს ისეთ ადამიანებზე, როგორებიც არიან მშენებლები. როგორც ჩანს, არ აპირებენ არანაირი პასუხისმგებლობის აღებას. დღესდღეობით 90 პროცენტი საქართველოში, მით უმეტეს თბილისში, არ არის ექსპლუატაციაში შესული. უსაფრთხოების ნორმები დაცული იყო. პასუხისმგებლობა აღებული ჰქონდა „ყაზტრანსგაზს“. ჩემი აზრით, ამ კომპანიის პასუხისმგებლობა იკვეთება“, – განაცხადა ადვოკატმა ლექსო კობაიძემ.

region
ავტ.: region იანვარი 17, 2019 17:41

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,540
ვიზიტორი
დღეში
Powered By Google Analytics