სამოქალაქო მოძრაობა “შეცვალეს” წევრები თბილისის მერიასთან ავტომობილის ბუფერებით მივიდნენ

region
ავტ.: region ნოემბერი 8, 2019 15:54

სამოქალაქო მოძრაობა “შეცვალეს” წევრები თბილისის მერიასთან ავტომობილის ბუფერებით მივიდნენ

სამოქალაქო მოძრაობა “შეცვალე” ამ წუთებში თბილისის მერიასთან საპროტესტო აქციას მართავს.

აქციის მონაწილეები კახი კალაძის უწყებასთან ავტომობილის ბუფერით მივიდნენ და თბილისის მერიის იმ გადაწყვეტილებას აპროტესტებენ, რომელიც ტაქსის მძღოლებისთვის “ბამპერების” შეღებვას გულისხმობს.

აქციის მონაწილეებს სურთ, თბილისის მერიის შენობის მისაღებში ჩააბარონ ავტომობილის ნაწილი, თუმცა ისინი დაცვის სამსახურმა შენობაში არ შეუშვა.

“იმ დროს როდესაც დედაქალაქში უამრავი პრობლემაა, მათ შორის საცობების და საზოგადოებრივი ტრანსპორტის, ამ დროს ვხედავთ კალაძის მორიგ ახირებას “ბამპერების” შეღებვის თაობაზე. ვაპროტესტებთ კალაძის მორიგ უაზრო რეგულაციას და მოვუწოდებთ მერიას და საკრებულოს, იზრუნონ რეალურ პრობლემებზე, რაც ქალაქშია,”- აცხადებენ აქციის მონაწილეები.

თბილისის საკრებულო დღეს ბუფერის შეღებვაზე დადგენილებას განიხილავს. დედაქალაქის მერის განცხადებით ტაქსის მძღოლებმა უნდა უზრუნველყონ, რომ მანქანა სრულიად თეთრი იყოს, წინააღმდეგ შემთხვევაში ისინი დაჯარიმდებიან.

region
ავტ.: region ნოემბერი 8, 2019 15:54

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,725
ვიზიტორი
დღეში
Powered By Google Analytics