სამოქალაქო აქტივისტი თამარ მეარაყიშვილი ოკუპირებული ცხინვალის ე.წ. პროკურატურამ გაათავისუფლა – ამის შესახებ „ეხო კავკაზა“ იუწყება. გამოცემის კორესპონდენტის ცნობით, ოკუპირებულ ახალგორში 16 აგვისტოს დაკავებული აქტივისტი რამდენიმესაათიანი დაკითხვის შემდეგ, შინ დაბრუნდა. თუმცა, ის ვალდებული იყო ე.წ. პროკურატურაში დღეს დილიდან კვლავ გამოცხადებულიყო და ამ წუთებში იგი იკითხება. მეარაყიშვილის სახლი გაჩხრიკეს. ახლობლების ინფორმაციით, ე.წ. სამართალდამცველები გარკვეულ ლიტერატურას ეძებდნენ.