სამხრეთ სუდანში რუსული ეკიპაჟის თვითმფრინავმა კატასტროფა განიცადა. აფრენიდან რამდენიმე წამში, აეროპორტიდან 800 მეტრში, სატვირთო თვითმფრინავმა კატასტროფა განიცადა. თვითმხილველებმა ჩამოვარდნის ადგილზე 40-ზე მეტი ცხედარი აღმოაჩინეს.
ხელისუფლების წარმომადგენელთა განცხადებით, თვითმფრინავში დაახლოებით 20 ადამიანი იმყოფებოდა, მათგან 5 რუსული ეკიპაჟის წევრი იყო.
გარდაცვლილთა შესახებ ზუსტი ინფორმაცია ჯერჯერობით არ ვრცელდება, თუმცა, წინასწარი მონაცემებით, კატასტროფას 2 ადამიანი – 1 ეკიპაჟის წევრი და 1 მცირეწლოვანი ბავშვი გადაურჩა.
როგორც უგანდაში რუსეთის საელჩოში, რომელიც სამხრეთ სუდანის საქმეებსაც განიხილავს, აცხადებენ, ისინი მომხდარი კატასტროფის დეტალებს სწავლობენ.
