სამხედრო-სავალდებულო სამსახურში საშემოდგომო გაწვევა მიმდინარე წლის 13 აგვისტოს იწყება-ამის შესახებ საქართველოს მთავრობის დადგენილებაშია ნათქვამი.
დადგენილების თანახმად, საქართველოს შეიარაღებულ ძალებში 1800 წვევამდელს გაიწვევენ, რაც შეეხება სპეციალურ პენიტენციურ სამსახურს აქ 1395-ს, შსს-ს გასამხედროებულ ქვედანაყოფებში 1370-ს, სახელმწიფო დაცვის სპეციალურ სამსახურში კი 200 წვევამდელი იქნება გაწვეული.
საშემოდგომო გაწვევა მიმდინარე წლის 29 დეკემბრამდე გაგრძელდება.