სამხედრო პოლიციის დეპარტამენტმა სამხედრო მოსამსახურის, ლაშა ჩოჩიშვილის სამსახურში გამოუცხადებლობის გამო გამოძიება დაიწყო

საქართველოს თავდაცვის სამინისტროს ინფორმაციით, სამხედრო პოლიციის დეპარტამენტმა სამხედრო მოსამსახურის, ლაშა ჩოჩიშვილის სამსახურში გამოუცხადებლობის გამო გამოძიება დაიწყო.

მათივე თქმით, თავდაცვის ძალების პირველი ქვეითი ბრიგადის მე-12 ბატალიონის სამხედრო მოსამსახურე, კაპრალი 2 სექტემბერს მოკლევადიანი დათხოვნიდან სამსახურში არ გამოცხადდა.

„ფაქტთან დაკავშირებით, სამხედრო პოლიციის დეპარტამენტმა დაიწყო გამოძიება საქართველოს სსკ-ის 388-ე მუხლის პირველი ნაწილით, რომელიც სამხედრო ნაწილში ან სამსახურში გამოუცხადებლობას გულისხმობს. ამ ეტაპზე მიმდინარეობს შესაბამისი საგამოძიებო მოქმედებები. ოჯახის მიმართვის საფუძველზე, ლაშა ჩოჩიშვილი ასევე იძებნება შსს-ს ქარელის რაიონული სამმართველოს მიერ, როგორც უგზო-უკვლოდ დაკარგული პირი“, – აღნიშნულია თავდაცვის სამინისტროს ინფორმაციაში.

ქარელის სოფელ ხეობაში 27 წლის მამაკაცს უკვე ერთი კვირაა,ოჯახი ეძებს.

banner
წინა სტატიაშისალომე სამადაშვილი – სასტუმრო „რუმსში“ მომხდარზე პასუხისმგებლობა საქართველოს ხელისუფლებას ეკისრება
შემდეგი სტატია,,კონფერენციის თეორიულ დისკუსიას “პრაქტიკული სავარჯიშო” შეემატა”-სახალხო დამცველი