სამეგრელო-ზემო სვანეთის გუბერნატორის ადმინისტრაციის წინ ამ წუთებში საპროტესტო აქცია მიმდინარეობს. “თავისუფალი საქართველოს” ერთ-ერთი ლიდერი თენგიზ ჯგუშია და ზუგდიდის მუნიციპალიტეტის გამგებლის ყოფილი მოადგილე გურგენ სართანია თანამოაზრეებთან ერთად არიან შეკრებილები. ისინი ზუგდიდისთვის თვითმმართველი ქალაქის სტატუსის შენარჩუნებას მოითხოვენ. საპროტესტო აქციის მონაწილეებს შელში უჭირავთ პლაკატები წარწერით – “თვითმმართველობა ხალხს”, “ზუგდიდი ყველას გვაერთიანებს”, “გადადგეს კორუმპირებული გუბერნატორი”. “თავისუფალი საქართველოს” ერთ-ერთმა ლიდერმა თენგიზ ჯგუშიამ სიტყვით გამოსვლისას განაცხადა, რომ ის პირდაპირ ეთერში, დებატებზე იწვევს გუბერნატორ ლევან შონიას, ქალაქ ზუგდიდის მერს ირაკლი გიგოხიას და ქალაქ ზუგდიდის მაჟორიტარ-დეპუტატს მერაბ ქვარაიას. ჯგუშიამ აღნიშნული დებატების უზრუნველსაყოფად ტელერადიოკომპანია “ოდიშს” საეთერო დროის გამოყოფა სთხოვა.
