“ევროპაშიც ყოფილა ასეთი საუბრებიც, რომ, აი, საქართველოს თურმე მორალური უფლება არ ჰქონდა ევროკავშირის წევრობაზე განაცხადის შესატანად იმიტომ, რომ საკმარისი სისხლი არ არის დაღვრილი და ასე შემდეგ, ზოგიერთი ევროპელის მხრიდანაც კი.
ეს, რა თქმა უნდა, საჯარო განცხადებები არ არის და ამიტომ ძალიან რთულია ამაზე საუბარი, მაგრამ როდესაც ასეთი მინიშნებაც კი კეთდება, აქ უკვე ბევრი რაღაც ძალიან დიდ ეჭვს აჩენს და ძალიან დიდი კითხვის ნიშნის ქვეშ დგება”,- განაცხადა პარლამენტის საგარეო ურთიერთობათა კომიტეტის თავმჯდომარემ ნიკოლოზ სამხარაძემ.