სამინისტრო – პედაგოგთა ნებაყოფლობითი ვაქცინაცია აქტიურად გრძელდება

განათლების სამინისტროს ინფორმაციით, თბილისსა და საქართველოს რეგიონებში პედაგოგთა ნებაყოფლობითი ვაქცინაცია აქტიურად გრძელდება.

განათლების სამინისტროდან ცნობით, დღეს, შესაბამის სამედიცინო დაწესებულებებში ვაქცინაცია იმერეთისა და გურიის რეგიონების პედაგოგებს ჩაუტარდათ.

„უქმეების პარალელურად, საქართველოს რეგიონებში სკოლის მასწავლებელთა ნებაყოფლობითი ვაქცინაცია ეტაპობრივად გრძელდება.

კოვიდინფიცირების თავიდან ასაცილებლად, შესაბამის სამედიცინო დაწესებულებებში ვაქცინაცია დღეს იმერეთისა და გურიის რეგიონების პედაგოგებს ჩაუტარდათ, რომლებიც არა მხოლოდ კოლეგებს, მოსწავლეთა მშობლებს და სრულიად სასკოლო საზოგადოებას აცრისკენ მოუწოდებენ.

პედაგოგები მიიჩნევენ, რომ ვაქცინაცია დღეს ერთადერთი საშუალებაა იმისათვის, რომ სკოლებში ვირუსით ინფიცირების რაც შეიძლება ნაკლები შემთხვევა დაფიქსირდეს, შესაბამისად, ნაკლები იქნება სკოლებისა და კლასების დისტანციური სწავლებაზე გადასვლა.

საგულისხმოა, რომ დასვენების დღეების მიუხედავად, ინფექციის გავრცელების პრევენციის მიზნით, მასწავლებელთა და სკოლის პერსონალთა ინტენსიური ტესტირება კვლავ აქტიურად მიმდინარეობს. ერთდროულად პედაგოგთა ვაქცინაცია და ტესტირება კი იძლევა გარანტიას, რომ მოსწავლეები სასწავლო წლის დასრულებას სკოლის შენობებში უსაფრთხოდ შეძლებენ“, – ნათქვამია სამინისტროს მიერ გავრცელებულ ინფორმაციაში.

banner
წინა სტატიაში„მოდერნას“​ მიერ შექმნილმა „კოვიდ-19“-ის ვაქცინამ მოზარდებში 96-პროცენტიანი ეფექტურობა აჩვენა
შემდეგი სტატიასლოვაკეთის პარლამენტის თავმჯდომარე კახა კუჭავას თანამდებობაზე არჩევას ულოცავს