საპატრიარქოში სინოდის სხდომა უკვე დაიწყო. სხდომის დაწყებამდე სინოდის წევრებმა სრულიად საქართველოს კათოლიკოს-პატრიარქის, ილია II-ის ხსოვნისადმი მიძღვნილი პანაშვიდი აღავლინეს.
დღევანდელ სხდომაზე მღვდელმთავრები საქართველოს კათოლიკოს-პატრიარქობის სამ კანდიდატს შეარჩევენ, რის შემდეგაც გაფართოებულ კრებაზე საბოლოოდ გამოვლინდება ახალი პატრიარქი.
ამავე დროს, საპატრიარქოს ტერიტორიაზე ყურადღება მიიპყრო სიმბოლურმა დეტალმა. შენობის სახურავზე სამი მტრედი დასხდა, რაც ხშირად მშვიდობისა და სულიერი სიმშვიდის ნიშნად აღიქმება.
ავტორი: აკო ქიქავა;ბერდია კალანდია
