სამგორის რაიონის გამგებლის, კახა სამხარაძის თქმით, თენგიზ სტურუას ქუჩაზე მდებარე საცხოვრებელ კორპუსი, რომლის მეოთხე სართულზე აფეთქება მოხდა, საცხოვრებლად სახიფათო არ არის და სავარაუდოდ, დღის ბოლომდე ადგილობრივებს ბინებში დაბრუნება შეეძლებათ.
“რამ გამოიწვია აფეთქება, ამას შესაბამისი სამსახურები დაადგენენ. რაც შეეხება კორპუსის მდგრადობას, მერიის სამსახურები ადგილზე იმყოფებიან, შეამოწმეს და პირველადი დასკვნით, კორპუსს საფრთხე არ ემუქრება, საცხოვრებლად სახიფათო არ არის.” -თქვა სამხარაძემ
ლილოს დასახლებაში, საცხოვრებელი კორპუსის მეოთხე სართულზე, ბინაში სავარაუდოდ გაზი აფეთქდა. გარდაიცვალა 65 წლის ქალი.
აფეთქების შემდეგ მაშველებმა ადგილობრივებს კორპუსი დაატოვებინეს.