სამეგრელო-ზემო სვანეთის რეგიონში მცხოვრები აბონენტების ნაწილს სტიქიის შედეგად ელექტროენერგია შეზღიდვით მიეწოდება.
სს „ენერგო პრო ჯორჯიას“ ინფორმაციით, ამ დროისთვის ელექტროენერგია არ მიეწოდება მარტვილის მუნიციპალიტეტის ცენტრს, ზუგდიდში 3726 აბონენტს, ჩხოროწყუში 1278 აბონენტს, ფოთში 171 აბონენტს, სენაკში 734 აბონენტს, აბაშაში 70 აბონენტს, ხობში 333 აბონენტს, მესტიაში კი 425 აბონენტს.
მისივე თქმით, სპეციალისტები დაზიანების ადგილებზე დილიდან მუშაობენ და ენერგომომარაგება დღის ბოლომდე სრულად აღდგება.
