სამეგრელო-ზემო სვანეთის გუბერნატორმა ელისო კილაძეს უჩივლა

https://youtu.be/EYLfxiWNMJs

სამეგრელო-ზემო სვანეთის გუბერნატორმა ელისო კილაძეს ეთიკის ქარტიაში უჩივლა

“გაზეთ “ქრონიკა პლუსის” ბოლო ნომერში, ჟურნალისტი ელისო კილაძე მიზანმიმართულად ავრცელებს ცრუ, ყოველგავარ სიმართლეს მოკლებულ ინფორმაციას და ცდილობს, შელახოს სამეგრელო-ზემო სანეთის გუბერნატორის ლევან შონიას საქმიანი იმიჯი და რეპუტაცია.

მთელი პასუხიმგებლობით ვაცხადებთ, რომ ეს არის მიზანმიმართული სიცრუე, რის გავრცელებასაც გარკვეული პოლიტიკური ძალები წინასაარჩევნოდ ახდენენ.

ელისო კილაძე სამეგრელო-ზემო სვანეთის გუბერნატორს ცრუ ბრალდებებს მიზანმიმართულად უყენებს, კილაძე მკითხველს არ აწვდის სწორ ინფორმაციას, არ გამოიკვლია ჭეშმარიტება, არც კი უცდია სიმართლის დადგენა და ენდო ერთ ინკოგნიტო წყაროს.

მას არ დაურეკავს არც გუბერნატორთან და არც მის პრესსამსახურში, რათა დაკავშირებოდა მეორე მხარეს და მისგან მიეღო ინფორმაცია. ელისო კილაძემ არ გადაამოწმა ფაქტები, რათა გაზეთში დაბეჭდილიყო ზუსტი ინფორმაცია. მეტიც, მან საკუთარი ინტერესებიდან გამომდინარე, განზრახ დაამახინჯა ფაქტები, მოიგონა სხვადასხვა ცრუ ინფორმაცია და საზოგადოებას მცდარი ინფორმაციის ნამდვილობაში არწმუნებდა.

მიგვაჩნია, რომ ელისო კილაძემ დაარღვია ჟურნალისტური ეთიკა და სტანდარტები. შესაბამისად, განცხადებით უკვე მივმართეთ ჟურნალისტური ეთიკის ქარტიას, რადგან მიგვაჩნია, რომ დაირღვა ქარტიის პირველი მუხლი – “ჟურნალისტმა პატივი უნდა სცეს სიმართლეს და საზოგადოების უფლებას, მიიღოს ზუსტი ინფორმაცია”; ასევე – ქარტიის მეთერთმეტე მუხლი – “ჟურნალისტმა უმძიმეს პროფესიულ დანაშაულად უნდა მიიჩნიოს ფაქტის განზრახ დამახინჯება”, – ნათქვამია განცხადებაში, რომელსაც გუბერნატორის პრესსამსახური ავრცელებს.

banner
წინა სტატიაშიკახი კახიშვილი სასჯელაღსრულების დაწესებულებაში მყოფ მუსლიმებს რამადან ბაირამის დღესასწაულს ულოცავს
შემდეგი სტატიადავით ნარმანია : თბილისში წელს გზის საფარი 1 მილიონ 400 ათას კვადრატულ მეტრ ფართობზე მოეწყობა