“სამართლიანობის აღდგენა ჩვენი ამომრჩევლის წინაშე აღებული N1 ვალდებულებაა”

news
ავტ.: news ივნისი 27, 2016 21:00

“სამართლიანობის აღდგენა ჩვენი ამომრჩევლის წინაშე აღებული N1 ვალდებულებაა”

“ქართული ოცნების” ერთ-ერთი ყველაზე პოპულარული წინასაარჩევნო დაპირება სამართლიანობის აღდგენა იყო.

პარტიის ლიდერები და ხელისუფლების წარმომადგენლები აღიარებენ, რომ დაპირების შესრულება გაჭიანურდა. პარტიის დამფუძნებელმა ბიძინა ივანიშვილმა ჟურნალისტებთან შეხვედრაზე ამ თემაზე დასმულ კითხვაზე განაცხადა, რომ ჟურნალისტებმა მეტად უნდა შეაწუხონ პროკურატურა.

სამართლიანობის აღდგენაზე და ამ მიმართულებით არსებულ პრობლემებზე საპარლამენტო უმრავლესობის ლიდერი, ზვიად კვაჭანტირაძე საუბრობს:

– გაჭიანურდა სამართლიანობის აღდგენის პროცესი, მთელი რიგი სუბიექტური მიზეზების გამო. თუმცა, ამის გასამართლებელ არგუმენტად მოყვანა ძალიან დიდი უხერხულობაა, იმიტომ რომ ეს იყო ჩვენი ამომრჩევლის წინაშე აღებულ ერთ-ერთი ნომერ პირველი ვალდებულება. წინა ხელისუფლების პირობებში ბევრი დაზარალებულია, რომელთაც ქონება წაართვეს და საქმეთა სიმრავლის გამო, მეპატრონეებისთვის ქონების დაბრუნების პროცესი გაჭიანურდა.

სამართლიანობის აღდგენის პროცესის ერთ-ერთი მთავარი შემადგენელი იქნებოდა ქონებრივი უფლებების დაბრუნება იმ ადამიანებისთვის, ვისაც ხელისუფლებამ ათასგვარი ხრიკების, ტერორის, შანტაჟის გამოყენებით წაართვა საკუთარი ქონება.

საქმე იმაშია რომ აურაცხელი განცხადებაა შესული, როგორც პარლამენტში ასევე პროკურატურაში. ზუსტად გუშინ ვიხილავდი, ერთ-ერთი ბიზნესმენის საკითხს, რომელიც იძულებული გახდა საქართველო დაეტოვებინა და გადასახლებულიყო ლონდონში.

მას წინა ხელისუფლებამ წაართვა ყველაფერი. ესეც არ იკმარა და აბსოლუტურად დაუმსახურებელი ჯარიმები დაუწესა. ახლა ეს ადამიანი მთელი ამ პერიოდის განმავლობაში ეძებს სამართალს, რომ ხელმეორედ განიხილონ მისი საქმე.

გამომდინარე საჩივრების დიდი რაოდენობიდან, უფრო სწრაფად ამ პროცესების წამართვა ვერ ხერხდება. მიუხედავად იმისა, რომ პროკურატურაში შეიქმნა სპეციალური დეპარტამენტიც კი. როგორც ჩანს, ესეც არ არის საკმარისი, რომ საქმეები დროულად გამოიძონ”,- განაცხადა ზვიად კავაჭანტირაძემ.

news
ავტ.: news ივნისი 27, 2016 21:00

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,249
ვიზიტორი
დღეში
Powered By Google Analytics