“სამართლიანი მშვიდობის დამყარების გზაზე ხელშესახებ პროგრესს მივაღწიეთ” – ამის შესახებ განცხადებას, უკრაინის ეროვნული უსაფრთხოებისა და თავდაცვის საბჭოს თავმჯდომარე, რუსტემ უმეროვი აკეთებს.
როგორც უმეროვი აღნიშნავს, მოლაპარაკებები დასრულდა, თუმცა, შემდგომი ნაბიჯების კოორდინაციისთვის კონსულტაციები გრძელდება.
“ფლორიდაში მოლაპარაკებების რთული, მაგრამ პროდუქტიული სესია დავასრულეთ. სამართლიანი მშვიდობის დამყარების გზაზე ხელშესახებ პროგრესს მივაღწიეთ. შეხვედრა იყო შინაარსიანი და წარმატებული. წინ ჯერ კიდევ ბევრი სამუშაოა — ვაგრძელებთ კონსულტაციებს და შემდგომი ნაბიჯების კოორდინაციას უკრაინისთვის მშვიდობის მისაღწევად.“
