სამართალდამცველებმა კვების პროდუქტების ფალსიფიკაციის სამი ფაქტი გამოავლინეს

თაიმერი timer.ge
ავტ.: თაიმერი timer.ge სექტემბერი 10, 2019 11:46

სამართალდამცველებმა კვების პროდუქტების ფალსიფიკაციის სამი ფაქტი გამოავლინეს

საქართველოს ფინანსთა სამინისტროს საგამოძიებო სამსახურის თანამშრომლებმა, ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად, კვების პროდუქტების ფალსიფიკაციის სამი ფაქტი გამოავლინეს.

როგორც საგამოძიებო სამსახურის ინფორმაციაშია ნათქვამი, დადგინდა, რომ კახეთის რეგიონში განთავსებული სამი საწარმო ფალსიფიცირებულ ხორცის ნახევარფაბრიკატებს და თევზს აწარმოებდა, რომელთა შემადგენლობა არ შეესაბამებოდა ეტიკეტზე მითითებულ მონაცემებს.

საგამოძიებო მოქმედებების შედეგად, ამოღებულია სარეალიზაციოდ გამზადებული დიდი ოდენობით სხვადასხვა დასახელების პროდუქცია, რომელსაც უტარდება შესაბამისი ექსპერტიზა.

გამოძიება საქართველოს სისხლის სამართლის კოდექსის 197-ე მუხლის პირველი ნაწილით მიმდინარეობს, რაც სასჯელის სახით თავისუფლების აღკვეთას ერთიდან სამ წლამდე ვადით ითვალისწინებს.

თაიმერი timer.ge
ავტ.: თაიმერი timer.ge სექტემბერი 10, 2019 11:46

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


18,315
ვიზიტორი
დღეში
Powered By Google Analytics