“სამარცხვინო ფაქტი, დარტყმა ისედაც დისკრედიტირებულ სასამართლოზე” – მარგველაშვილი დოლიძის იმპიჩმენტზე

region
ავტ.: region ოქტომბერი 25, 2019 16:19

“სამარცხვინო ფაქტი, დარტყმა ისედაც დისკრედიტირებულ სასამართლოზე” – მარგველაშვილი დოლიძის იმპიჩმენტზე

საქართველოს ყოფილი პრეზიდენტი გიორგი მარგველაშვილი იუსტიციის უმაღლესი საბჭოს არამოსამართლე წევრის, ანა დოლიძის შესაძლო იმპიჩმენტს “სამარცხვინო ფაქტი” უწოდა. მარგველაშვილის შეფასებით, ეს ნაბიჯი სასამართლო სისტემას კიდევ ერთ დარტყმას მიაყენებს.

“სამარცხვინო ფაქტი განხორციელდება. ანა დოლიძეს დაცვა კი არ სჭირდება, დაცვა სჭირდება სასამართლო სისტემას. ეს რომ მოხდეს, თვითონ სასამართლო სისტემისთვის, იუსტიციის უმაღლესი საბჭოსთვის, მთელი ჩვენი ამ გარემოსთვის იქნება ძალიან დიდი დარტყმა, არა ანასთვის, გავახილოთ თვალი და დავინახოთ ეს. ეს იქნება კიდევ ერთი დარტყმა ისედაც ძალიან დისკრედიტირებულ სასამართლო სისტემაზე და იუსტიციის საბჭოზე,”- განაცხადა გიორგი მარგველაშვილმა.

შეგახსენებთ, რომ ანა დოლიძე იუსტიციის უმაღლეს საბჭოში გიორგი მარგველაშვილის რეკომენდაციით მოხვდა.

ანა დოლიძის იმპიჩმენტის საკითხი დღეს იუსტიციის უმაღლესი საბჭოს სხდომაზე მოსამართლე დიმიტრი გვრიტიშვილმა დააყენა, ამისთვის მან საქართველოს პრეზიდენტსაც მიმართა.

region
ავტ.: region ოქტომბერი 25, 2019 16:19

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,291
ვიზიტორი
დღეში
Powered By Google Analytics