სამადაშვილი – სიმბოლურად მნიშვნელოვანია, ოპოზიციის წარმომადგენლებმა პრეზიდენტის საახალწლო მიწვევა მიიღონ

პარლამენტის ოპოზიციონერი წევრის სალომე სამადაშვილის შეფასებით, სიმბოლურად მნიშვნელოვანია, ოპოზიციის წარმომადგენლებმა პრეზიდენტის საახალწლო მიწვევა მიიღონ.

როგორც სამადაშვილმა ჟურნალისტებს განუცხადა, ურთულესი გამოწვევების პირობებში, რომლის წინაშეც ქვეყანა დგას, პრეზიდენტმა გამოთქვა მზადყოფნა, ხელი შეუწყოს პოლიტიკური დეპოლარიზაციის პროცესის დასაწყისს, რაც ძალიან მნიშვნელოვანია.

“იმედი მაქვს საუბრის შესაძლებლობა იქნება. ჩემთვის საინტერესოა, თავად პრეზიდენტი როგორ ხედავს ამ პროცესის დაწყებას და გაგრძელებას. მე შეხვედრაზე პირველ რიგში მოსასმენად მივდივარ. რა იქნება შემდგომ, ამას მომავალი გვიჩვენებს. ერთი რამ ცხადია, საქართველოს პრეზიდენტს ხელთ აქვს კონსტიტუციური ბერკეტები იმისთვის, რომ ხელი შეუწყოს ქვეყანაში დეპოლარიზაციას. მეორეს მხრივ, ცხადია, ამ პროცესში წინაპირობებით შესვლას შედეგი ვერ ექნება. ვნახოთ, როგორ განვითარდება პროცესი“, – განაცხადა სალომე სამადაშვილმა.

წინა სტატიაშიჩხოროწყუს საკრებულოში თავმჯდომარე ისევ ვერ აირჩიეს
შემდეგი სტატიაკალაძე – არავის მიეცემა იმის შესაძლებლობა, რომ ქალაქის მასშტაბით უკანონო მშენებლობა განახორციელონ და მიწები დაიტაცონ