“სამწუხაროა, რომ საქართველო, რომელიც წამყვანი იყო რეგიონში ევროკავშირთან ურთიერთობების თვალსაზრისით, დღეს ერევანში წარმოდგენილია ღარიბი ნათესავის როლში”,_ აღნიშნული განცხადება გააკეთა “ძლიერი საქართველო-ლელოს” წევრმა სალომე სამადაშვილმა გადაცემაში “კომენტარი”.
“სამწუხაროდ, დღეს შეგვიძლია დავკმაყოფილდეთ იმით, რომ სადმე ეძახიან ივანიშვილის წარმომადგენლებს, ესეც კი მიღწევაა იმ ვითარებაში, რომელიც ჩვენ გვაქვს. მიწვეული არის კობახიძე, იმიტომ რომ შექმნილია ევროპული პოლიტიკური გაერთიანება, საფრანგეთის პრეზიდენტის ინიციატივით, რომ მიუხედავად მართვის ფორმისა და გამოწვევებისა, ყველა ევროპულ სახელმწიფოს მიეცეს შესაძლებლობა მსგავს ფორუმში მონაწილეობის და ხედვების გაცვლის”,_ განაცხადა სამადაშვილმა.
