სამადაშვილი: ძალიან დიდი იმედი მაქვს, მიხეილ სააკაშვილი შეწყვეტს შიმშილობას

იმედი მაქვს, სააკაშვილის ჯანმრთელობას არ აქვს უკვე მიღებული ისეთი ზიანი, რომელიც შეუქცევადია და ძალიან დიდი იმედი მაქვს, რომ ისიც შეწყვეტს შიმშილობას და შიმშილობას ასევე შეწყვეტს ელენე ხოშტარიაც და ყველა სხვა ადამიანი, რომელმაც მიმართა პროტესტის ამ უკიდურეს ფორმას გასული დღეების განმავლობაში, – ამის შესახებ ოპოზიციონერმა დეპუტატმა, სალომე სამადაშვილმა საქართველოს პირველ არხს განუცხადა.

მან კომენტარი გააკეთა იუსტიციის მინისტრის შეთავაზებასთან დაკავშირებით, რომ მიხეილ სააკაშვილი გადაყვანილი იყოს გიორგი აბრამიშვილის სახელობის თავდაცვის სამინისტროს სამხედრო ჰოსპიტალში.

„მე ვფიქრობ, რომ სააკაშვილის გადაყვანა მულტიპროფილურ კლინიკაში არის, რა თქმა უნდა, ერთადერთი გამოსავალი. წარმოუდგენელია ის, რომ ჩვენ დაგვჭირდა ამდენი დრო, ამხელა ზეწოლა, მათ შორის, ჩვენი საერთაშორისო პარტნიორების, რათა მიგვეღწია იმისთვის, რაც სრულიად ბუნებრივი გადაწყვეტილება იქნებოდა ასეთ ვითარებაში. იმედი მაქვს, რომ სააკაშვილის ჯანმრთელობას არ აქვს უკვე მიღებული ისეთი ზიანი, რომელიც შეუქცევადია და ძალიან დიდი იმედი მაქვს, რომ ისიც შეწყვეტს შიმშილობას და შეწყვეტს ასევე შიმშილობას ელენე ხოშტარიაც და ყველა სხვა ადამიანი, რომელმაც მიმართა პროტესტის ამ უკიდურეს ფორმას გასული დღეების განმავლობაში.

მე არ ვარ ექიმი, მაგრამ რამდენადაც ვიცი, გორის სამედიცინო ჰოსპიტალი არის სამედიცინო თვალსაზრისით აღჭურვილი იმგვარად, რომ მოხდეს სააკაშვილის ჯანმრთელობის ადეკვატურად დაცვა ამ ჰოსპიტალის პირობებში, მაგრამ ცხადია, რომ კომპეტენტური ხალხის აზრი იქნება მნიშვნელოვანი ასევე ამასთან დაკავშირებით“, – განაცხადა სალომე სამადაშვილმა.

წინა სტატიაშიუდუმაშვილი გორის ჰოსპიტალზე: დაველოდებით ექიმების დასკვნას
შემდეგი სტატიადავითულიანი – ვიმედოვნებ, შეთავაზების შემდეგ სააკაშვილი პირობას შეასრულებს