სალონიკის პოლიცია ქართველი, ფრანგი და ბერძენი სამართალდამცველების მიერ ჩატარებული სპეცოპერაციის დეტალებს აქვეყნებს

საბერძნეთსა და საფრანგეთში ქართველ სამართალდამცველებთან ერთობლივად პოლიციის მიერ ჩატარებული ტრანსნაციონალური ორგანიზებულ დანაშაულებრივი დაჯგუფების დაკავების ფართომასშტაბიანი ღონისძიების შესახებ სალონიკში პრეს-კონფერენცია გაიმართა. ბერძენმა სამართალდამცველებმა მედიას ნივთმტკიცებად ამოღებული სხვადასხვა სახის ცეცხლსასროლი იარაღი, კრიმინალური დაჯგუფების მიერ ნაქურდალი საიუველირო და სხვა ძვირადღირებული ნივთები წარუდგინეს.
კაპიტან პეტროს ტანოსის განცხადებით: „ბერძნულ-ფრანგული ერთობლივი, ფართომასშტაბიანი სპეც. ოპერაციის შედეგად დაკავებულ იქნა ტრანსნაციონალური ორგანიზებულ დანაშაულებრივი დაჯგუფება, რომელიც ეჭვმიტანილია არაერთგზის ყაჩაღობასა და ქურდობაში.
ბერძენი, ქართველი და ფრანგი სამართლდამცველების საერთაშორისო პოლიციური თანამშრომლობის შედეგად დაკავებულია პანევროპული მაფიის ე.წ. “კანონიერი ქურდების” დაჯგუფება.
საბერძნეთის ტერიტორიაზე სპეც. ოპერაციას კურირებდა ქ. სალონიკის პოლიცია, რომლის შედეგადაც დაკავებულ იქნა 14 ადამიანი, მათ შორის დაჯგუფების 57 წლის ხელმძღვანელი და ასევე 2 აღმასრულებელი პირი – 56 და 49 წლის. სპეც. ოპერაციაში ქ. სალონიკის 100-ზე მეტი პოლიციელი მონაწილეობდა. ასევე, დაკავებულ იქნა 12 ბოროტმოქმედი, რომლებიც ეჭვმიტანილნი არიან სხვადასხვა დანაშაულებებში. მოგახსენებთ, რომ დაჯგუფების კონტროლზე აყვანა მოხდა 2015 წლიდან.
16 აპრილის შუადღის საათებში განხორციელდა დაჯგუფების ლიდერების დაკავება რა დროსაც მათ გაწიეს წინააღმდეგობა, შედეგად ამოღებულ იქნა ცეცხლსასროლი იარაღი 9 ვაზნით და 2 დანა. გამოძიების შედეგად დადგინდა, რომ 57 წლის მამაკაცი და მისი 2 თანმხლები პირი იყვნენ დანაშაულებრივი დაჯგუფების ხელმძღვანელი და კოორდინატორები.
დაჯგუფების კიდევ 9 წევრი დააკავეს სხვადასხვა ბრალდებით, ხოლო, 2 მოპარული საიუველირო ნივთების შესყიდვის ბრალდებით.
გამოძიების ფარგლებში დადგენილია 56 ბინის ქურდობა – ყაჩაღობა, საერთო ჯამში ზარალით 1 000 000 ევრო.
ბრალდებულთა საცხოვრებელი ბინებიდან ამოღებულ იქნა საიუველირო ნივთები, ელექტრო ტექნიკა და 25 000 ევრო. გამოძიება გრძელდება დეტალების დასადგენად“.
საბერძნეთი, სალონიკი 18.04.2018

 

 

banner
წინა სტატიაშიკახა კახიშვილი: შეწყალების კომისიის წევრი შესაძლოა, სასჯელაღსრულებისა და პრობაციის სამინისტროს წარმომადგენელიც გახდეს
შემდეგი სტატიასურსათის ეროვნული სააგენტო მოსახლეობას რეკომენდაციებს აძლევს თუ რომელი პრეპარატები გამოიყენონ აზიურ ფაროსანასთან ბრძოლაში