სალომე ზურაბიშვილმა საკმაოდ დეტალურად, მაღალი ტრიბუნიდან ამცნო მსოფლიოს, რა ყოფაში უწევთ ჩვენს მოქალაქეებს საოკუპაციო ხაზის გასწვრივ ცხოვრება

ქეთი ფერაძე
ავტ.: ქეთი ფერაძე სექტემბერი 26, 2019 12:05

სალომე ზურაბიშვილმა საკმაოდ დეტალურად, მაღალი ტრიბუნიდან ამცნო მსოფლიოს, რა ყოფაში უწევთ ჩვენს მოქალაქეებს საოკუპაციო ხაზის გასწვრივ ცხოვრება

გამოსვლა, რომელიც საქართველოს პრეზიდენტს, სალომე ზურაბიშვილს ჰქონდა გაერო-ს ტრიბუნიდან, ძალიან მნიშვნელოვანია ბოლო წლების განმავლობაში, რადგან ეს იყო საქართველოს პრეზიდენტის, ქალი პრეზიდენტის მიმართვა მსოფლიოს ქვეყნებისადმი, – ამის შესახებ იუსტიციის მინისტრმა, თეა წულუკიანმა განაცხადა.

წულუკიანის შეფასებით, სალომე ზურაბიშვილმა გამოსვლაში სათანადო ყურადღება დაუთმო ადამიანის უფლებების დარღვევებს, რომელიც საოკუპაციო ხაზის გასწვრივ ყოველდღიურად ხდება.

„მე ვფიქრობ, მან სათანადო ყურადღება დაუთმო ადამიანის უფლებების იმ მასობრივ და გაუგონარ დარღვევებს, რომელიც საოკუპაციო ხაზის გასწვრივ ყოველდღიურად ხდება. მან საკმაოდ დეტალურად, მაღალი ტრიბუნიდან ამცნო მსოფლიოს, ყველა ქვეყანას, ვინც ესწრებოდა, მათ შორის პრეზიდენტებს, პრემიერებს, საგარეო საქმეთა მინისტრებს, თუ რა ყოფაში უწევთ ჩვენს მოქალაქეებს საოკუპაციო ხაზის გასწვრივ ცხოვრება. თუ პრეზიდენტს ოპონენტებმა უნდა დაუთვალონ, რამდენჯერ ახსენა ზუსტად რუსეთი, მან ისაუბრა რუსეთზე, როგორც ოკუპაციის განმახორციელებელ სახელმწიფოზე, ამიტომ, ვფიქრობ, ეს ძალიან მნიშვნელოვანი გზავნილები იყო“, – განაცხადა ვიცე-პრემიერმა, იუსტიციის მინისტრმა, თეა წულუკიანმა.

საქართველოს პრეზიდენტი სალომე ზურაბიშვილი გაერო-ს გენერალური ასამბლეის 74-ე სესიაზე სიტყვით გუშინ გამოვიდა.

ქეთი ფერაძე
ავტ.: ქეთი ფერაძე სექტემბერი 26, 2019 12:05

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,728
ვიზიტორი
დღეში
Powered By Google Analytics