პარიზში მცხოვრებ ქართულ დიასპორას საქართველოს პრეზიდენტმა რამდენიმე ინიციატივა წარუდგინა. ზურაბიშვილის აზრით, საზღვარგარეთ მცხოვრები საქართველოს მოქალაქეების მრავალრიცხოვნობის გამო, აუცილებელია, ქართულ დიასპორას ჰყავდეს წარმომადგენელი საქართველოს პარლამენტში.
კიდევ ერთი ინიციატივა კი, ორმაგი მოქალაქეობის შესახებ კანონმდებლობაში ცვლილებებს შეეხება, რაც საქართველოდან წასულ ადამიანებს მშობლიური ქვეყნის მოქალაქეობის შენარჩუნების საშუალებას მისცემს.
