სალომე ზურაბიშვილმა ელჩებთან ინფორმაციის სანდოობის საკითხებზე იმსჯელა

საქართველოს პრეზიდენტი სალომე ზურაბიშვილი საქართველოში აკრედიტებულ დიპლომატებს შეხვდა, რომლებიც მედიის განვითარების, სიტყვისა და გამოხატვის თავისუფლების საკითხებზე, დეზინფორმაციისა და ცრუ ინფორმაციის გავრცელების პრობლემებზე მუშაობენ.

პრეზიდენტმა დიპლომატებს აღნიშნულ საკითხებთან დაკავშირებით საკუთარი ხედვა გააცნო, რომელიც სალომე ზურაბიშვილმა საზოგადოებას საპარლამენტო გამოსვლისას წარუდგინა. სალომე ზურაბიშვილმა ისაუბრა საზოგადოების წინაშე მდგარ პრობლემებზე, დაგროვილი აგრესიის, პოლარიზების, ჰიბრიდული საფრთხეების შესახებ.

შეხვედრისას აღნიშნული საკითხების გარშემო ელჩებმაც გამოთქვეს საკუთარი მოსაზრებები და პრეზიდენტს კონკრეტული მიმართულებებით მხარდაჭერა აღუთქვეს.

ინფორმაციას საქართველოს პრეზიდენტის ადმინისტრაციის პრესსამსახური ავრცელებს.

banner
წინა სტატიაშიკახეთში სტიქიის შედეგების სალიკვიდაციო შტაბი შეიქმნა
შემდეგი სტატიაიუსტიციის მინისტრის ბრიფინგი ევროსაბჭოს წამებისა და არაადამიანური მოპყრობის საწინააღმდეგო კომიტეტის დასკვნასთან დაკავშირებით