საქართველოს პრეზიდენტი სალომე ზურაბიშვილი მოსახლეობას მოუწოდებს კორონავირუსის გავრცელების პრევენციის მიზნით პასუხისმგებლობა გამოიჩინონ და შიშისა და პანიკის დათესვისგან თავი შეიკავონ.
„მოდით გავავრცელოთ დაცულობა და არა შიში. ხალხს უნდა ვაჩვენოთ, რომ დაცულობა ნიშნავს მშვიდად და პასუხისმგებლიანად ყოფნას“, – ამის შესახებ სალომე ზურაბიშვილი Instagram-ზე წერს და საზოგადოებრივ ტრანსპორტში გადაღებულ ფოტოებს აქვეყნებს.
