საქართველოს პრეზიდენტი სალომე ზურაბიშვილი ტოკიოში საქმიანი წრეების და მედიის წარმომადგენლებს სამუშაო ლანჩზე შეხვდა.
პრეზიდენტის ადმინისტრაციის ინფორმაციით, საუბარი შეეხო ორ ქვეყანას შორის არსებულ ურთიერთობებს ეკონომიკის, ტურიზმის, კულტურის და სპორტის მიმართულებებით, ასევე 2020 წელს ტოკიოში დაგეგმილ ოლიმპიადაზე საქართველოს მონაწილეობასა და საორგანიზაციო საკითხებს.
გარდა ამისა, შეხვედრებზე იაპონური მედიის საშუალებით საქართველოს პოპულარიზაციის შესაძლებლობებიც განიხილეს.