ოსლოს თავისუფლების ფორუმზე სიტყვით გამოსვლისას, საქართველოს მეხუთე პრეზიდენტმა სალომე ზურაბიშვილმა ქვეყნის წინაშე არსებულ გეოპოლიტიკურ საფრთხეებზე ისაუბრა და პარალელი უკრაინაში მიმდინარე ომთან გაავლო.
ზურაბიშვილის განცხადებით, სანამ უკრაინა ფრონტის ხაზზე იარაღით იცავს თავს, საქართველო რუსული ჰიბრიდული ომის სამიზნეა, რომელიც ქვეყნის ჩუმად ხელში ჩაგდებას ისახავს მიზნად.
„ჩვენ ვეწინააღმდეგებით ჰიბრიდული ომის მეთოდებით სახელმწიფოს ჩუმად ხელში ჩაგდებას. მათ შორის, დემოკრატიული ინსტიტუტების, არჩევნების, სოციალური ქსელების და ახლა უკვე ხელოვნური ინტელექტის გამოყენებით. ეს ყველაფერი კი გეოგრაფიული საზღვრებით არ შემოიფარგლება“, — აღნიშნა სალომე ზურაბიშვილმა.
