სალომე ზურაბიშვილი სამცხე-ჯავახეთში შეხვედრებს მართავს

region
: region აპრილი 13, 2019 11:50

სალომე ზურაბიშვილი სამცხე-ჯავახეთში შეხვედრებს მართავს

საქართველოს პრეზიდენტი სალომე ზურაბიშვილი სამცხე-ჯავახეთის რეგიონში დღეს შეხვედრებს მართავს.

პრეზიდენტმა რეგიონში ვიზიტი ახალციხეში ადგილობრივი ხელისუფლების წარმომადგენლებთან შეხვედრით დაიწყო. შეხვედრას მხარის გუბერნატორი, მერები და მაჟორიტარი დეპუტატები ესწრებიან.

ადგილობრივი ხელისუფლების წარმომადგენლებთან შეხვედრის შემდეგ სალომე ზურაბიშვილი რეგიონების გაძლიერების მხარდაჭერისა და ქართული წარმოების ხელშეწყობის მიზნით სამცხე-ჯავახეთში მოქმედ კომპანიებს დაათვალიერებს და სახელმწიფო პროგრამაში ,,აწარმოე საქართველო” ჩართულ მეწარმეებს შეხვდება.

ხვალ კი, პრეზიდენტი ,,დედაენის დღის” აღსანიშნავად ახალქალაქში ქართული ანბანით მოხატულ პანოს საზეიმოდ გახსნის და ადგილობრივ მოსახლეობას სიტყვით მიმართავს.

ასევე, ,,დედაენის დღესთან” დაკავშირებით საქართველოს პრეზიდენტი ზურაბ ჟვანიას სახელობის სახელმწიფო ადმინისტრირების სკოლის წარჩინებულ კურსდამთავრებულებს დააჯილდოებს და კონკურსში გამარჯვებულ სკოლის მოსწავლეებს გამოავლენს.

სამცხე-ჯავახეთის რეგიონში დაგეგმილია ადგილობრივ მოსახლეობასთან შეხვედრებიც.

region
: region აპრილი 13, 2019 11:50

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,133
ვიზიტორი
დღეში
Powered By Google Analytics