საქართველოს პრეზიდენტი სალომე ზურაბიშვილი იერუსალიმში, მსოფლიოს 45-ზე მეტ ლიდერთან და სახელმწიფოს ხელმძღვანელთან ერთად მონაწილეობს ჰოლოკოსტის მეხუთე მსოფლიო ფორუმში სახელწოდებით – „გვახსოვს ჰოლოკოსტი, ვებრძვით ანტისემიტიზმს“.
სალომე ზურაბიშვილმა „ფეისბუქის“ ოფიციალურ გვერდზე გამოაქვეყნა მსოფლიო ლიდერებთან ერთად ფორუმის ფარგლებში გადაღებული ფოტოები, მათ შორისაა აშშ-ის ვიცე-პრეზიდენტი მაიკ პენსი.
სალომე ზურაბიშვილმა სოციალურ ქსელში დაწერა, რომ მაიკ პენსმა საქართველოს პრეზიდენტს შემდეგი სიტყვებით მიმართა: „საქართველო გვიყვარს, მის გვერდით ვართ და ვიქნებით მუდამ“.
„ვიცე-პრეზიდენტს მადლობა გადავუხადე საქართველოს მხარდაჭერისთვის“ ,- წერს სალომე ზურაბიშვილი.