საქართველოს პრეზიდენტი სალომე ზურაბიშვილი კლაუს იოჰანისს რუმინეთის საპრეზიდენტო არჩევნებში გამარჯვებას ულოცავს.
„საქართველო და რუმინეთი ახლო, მეგობრული ერები არიან. მოუთმენლად ველოდები ჩვენი ორმხრივი თანამშრომლობის გაღრმავებას“, – წერს ზურაბიშვილი სოციალურ ქსელ „ტვიტერში“.
რუმინეთის მოქმედმა პრეზიდენტმა, კლაუს იოჰანისმა რუმინეთის საპრეზიდენტო არჩევნების მეორე ტურში გაიმარჯვა. მისი კონკურენტი ექსპრემიერი ვიორიკა დანჩილე იყო.
