საქართველოს პრეზიდენტი სალომე ზურაბიშვილი გორთან მომხდარი ავტოსაგზაო შემთხვევის გამო მწუხარებას გამოთქვამს.
„მწუხარებას გამოვთქვამ გორთან მომხდარი ტრაგედიის გამო. ვუსამძიმრებ გარდაცვლილთა ოჯახებსა და ახლობლებს, დაზარალებულებს კი, სწრაფად გამოჯანმრთელებას ვუსურვებ“, – აცხადებს სალომე ზურაბიშვილი.
გორთან ავტოსაგზაო შემთხვევა გვიან ღამით მოხდა. შემთხვევის შედეგად ექვსი ადამიანია გარდაცვლილი. საქართველოს შინაგან საქმეთა სამინისტროს ინფორმაციით, გორთან მომხდარ ავტოსაგზაო შემთხვევასთან დაკავშირებით თურქეთის მოქალაქე დააკავეს.
