სალომე ზურაბიშვილი – ძალიან ვწუხვარ იმ განცხადებების გამო, რომელიც კეთდება ამერიკის ელჩის მიმართ, ჩვენი მეგობრები არიან ჩვენი მეგობრები, სხვა მეგობრები არ გვყავს

ძალიან ვწუხვარ იმ განცხადებების გამო, რომელიც კეთდება ამერიკის ელჩის მიმართ, არ მგონია, ეს იყოს სწორი ფორმა. ჩვენი მეგობრები არიან ჩვენი მეგობრები და ჩვენ სხვა მეგობრები არ გვყავს, – ამის შესახებ საქართველოს პრეზიდენტმა, სალომე ზურაბიშვილმა განაცხადა.

მისი თქმით, დიპლომატიური წესი მოითხოვს, რომ მტკიცებულებების არსებობის შემთხვევაში, ელჩთან გაიმართოს ერთი ერთზე საუბარი და არა მედიის თანდასწრებით.

„არ შეიძლება, დღეს ამავე დროს, არ ვთქვა, რომ ძალიან ვწუხვარ იმ განცხადებების გამო, რომელიც კეთდება ამჟამად ამერიკის ელჩის მიმართ. მე არ მგონია, რომ ეს იყოს სწორი ფორმა. რამე მტკიცებულებები თუ არის, საერთოდ, დიპლომატიური წესი მოითხოვს, რომ ელჩთან გაიმართოს ერთი ერთზე საუბარი ამის შესახებ და არა ტელევიზიებით და მედიის საშუალებით განცხადებები. ჩვენი მეგობრები არიან ჩვენი მეგობრები და ჩვენ სხვა მეგობრები არ გვყავს“, – განაცხადა სალომე ზურაბიშვილმა.

წინა სტატიაშისალომე ზურაბიშვილმა რიგგარეშე სესიის მოწვევაზე განცხადება გააკეთა – ახლა შესვენება არ არის გამართლებული
შემდეგი სტატიამნიშვნელოვანია, ჟურნალისტებზე ჯაშუშობა დასრულდეს… ეს ცუდია ევროპული პერსპექტივისთვის – იუკნევიჩიენე აუდიოჩანაწერებზე