საქართველოს პრეზიდენტი სალომე ზურაბიშვილი გამოეხმაურა ქართველი კალათბურთელის, თორნიკე შენგელიას ესპანური „ბასკონია“-დან მოსკოვის ცეესკაში გადასვლის ფაქტს.
„ჩემთვის სამწუხარო და როგორც საქართველოს პრეზიდენტისთვის მიუღებელია, საქართველოს საკალათბურთო ნაკრების კაპიტნის გადაწყვეტილება მოსკოვის „ცსკაში“ გადასვლასთან დაკავშირებით,“ – დაწერა სალომე ზურაბიშვილმა სოციალურ ქსელში.
შეგახსენებთ, რომ საქართველოს ნაკრების კაპიტანი თორნიკე შენგელია მცირე ხნის წინ „ბასკონიას“-თან ერთად ესპანეთის „ლიგა ენდესა“-ს გამარჯვებული გახდა. დღეს, ესპანური კლუბი ოფიციალურად დაემშვიდობა ქართველ კაპიტანს და მალევე დადასტურდა ინფორმაცია შენგელიას მოსკოვის ცეესკა-ში გადასვლის შესახებ.
