საქართველოს პრეზიდენტი სალომე ზურაბიშვილი აცხადებს, რომ გერმანიის ფედერალურ კანცლერ ანგელა მერკელთან შეხვედრამ კარგად ჩაიარა.
შეხვედრის მოკლე შეფასება და ვიდეომასალა სალომე ზურაბიშვილმა სოციალურ ქსელში გაავრცელა.
„ანგელა მერკელთან შეხვედრამ ძალიან კარგად ჩაიარა“, – წერს სალომე ზურაბიშვილი „ფეისბუქზე“.
ანგელა მერკელმა სალომე ზურაბიშვილს გერმანიის ფედერალურ კანცელარიაში უმასპინძლა.
საქართველოს პრეზიდენტი გერმანიაში ოფიციალური ვიზიტით იმყოფება. მანამდე სალომე ზურაბიშვილი გერმანიის ფედერაციული რესპუბლიკის პრეზიდენტს, ფრანკ-ვალტერ შტაინმაიერს შეხვდა.
