საქართველოს პრეზიდენტი სალომე ზურაბიშვილი საფრანგეთსა და გერმანიას სამუშაო ვიზიტებით ეწვევა.
მთავრობის განკარგულება პრეზიდენტის ვიზიტებზე თანხმობის შესახებ საქართველოს მთავრობის ვებგვერდზე გამოქვეყნდა. სამუშაო ვიზიტების მიზანი ევროკავშირსა და ნატო-სთან საქართველოს ურთიერთობის გაღრმავებაა.
შეხვედრები პარიზში 17-19 თებერვალს, ბერლინში კი, 19-21 თებერვალს გაიმართება.
ვიზიტების დეტალური დღის წესრიგი ჯერ უცნობია. თუმცა ცნობილია, რომ ოფიციალური შეხვედრების გარდა, დაგეგმილია სალომე ზურაბიშვილის შეხვედრა ორივე ქვეყანაში ქართული დიასპორის წარმომადგენლებთან.
