სალომე სამადაშვილი : ივანიშვილის დიქტატურისგან ქვეყნის გასათავისუფლებლად საერთო ეროვნული მოძრაობა იწყება

news
ავტ.: news ნოემბერი 14, 2019 14:04

სალომე სამადაშვილი : ივანიშვილის დიქტატურისგან ქვეყნის გასათავისუფლებლად საერთო ეროვნული მოძრაობა იწყება

„ნაციონალური მოძრაობის“ წევრის სალომე სამადაშვილის განცხადებით, სხვადასხვა პოლიტიკურ პარტიასთან და საზოგადოებასთან გამართავენ ფართო კონსულტაციებს, რათა გააპროტესტონ მმართველი გუნდის მიერ მომზადებული პროპორციული სისტემის პროექტის დღევანდელ კენჭისყრაზე ჩავარდნა.

მისივე თქმით, „ნაციონალური მოძრაობა“ სამოქმედო გეგმასთან დაკავშირებით,სავარაუდოდ, დღესვე პოლიტიკური საბჭოს სხდომას გამართავს.

„ვფიქრობ, რომ პირველ რიგში გავმართავთ ძალიან ფართო კონსულტაციებს, როგორც სხვა პარტიებთან, ისე საზოგადოების წარმომადგენლებთან. ასევე, შედგება პოლიტსაბჭოს სხდომა, სავარაუდოდ, დღესვე. ვფიქრობ, რომ გადავალთ საგანგებო რეჟიმში. მშვიდობიანი საზოგადოებრივი პროტესტისა და დაუმორჩილებლობის კამპანია უნდა დავიწყოთ, რადგან რეალობა ძალიან ნათელია – ივანიშვილმა მოიხსნა უკვე ყველანაირი ნიღაბი და პირდაპირ გადადის ძალადობაზე ქართველი ხალხის წინააღმდეგ. ივანიშვილს არ უშველის ჩაგდება საკონსტიტუციო ცვლილების, რადგან რა სისტემითაც არ უნდა ჩატარდეს შემდეგი არჩევნები, მას არანაირი შანსი აღარა აქვს ქვეყანაში ძალაუფლების შენარჩუნების. უბრალოდ, დღეს მან გაამწვავა პროცესები, როდესაც დადგა სპექტაკლი, რომელსაც ვუყურეთ საქართველოს პარლამენტში, თითქოს ივანიშვილის პირადი ყურის ექიმი აღმოჩნდა სპარტაკის როლში აჯანყებულების ლიდერად. ჩავარდა საკონსტიტუციო ცვლილება, რომლის დაპირებაც გასცა ივანიშვილმა. დღეს იწყება საერთო ეროვნული მოძრაობა ივანიშვილის დიქტატურისგან ქვეყნის გასათავისუფლებლად. ამიტომ, ჩვენ გვიხილავთ ყველასთან ერთად, ვისაც სურს თავისუფალ, დემოკრატიულ ქვეყანაში ცხოვრება“, – განაცხადა სალომე სამადაშვილმა.

პროპორციულ საარჩევნო სისტემაზე გადასვლასთან დაკავშირებით საპარლამენტო უმრავლესობის მიერ მომზადებულმა საკონსტიტუციო ცვლილებებმა პარლამენტში პირველი მოსმენით კენჭისყრაზე ხმების საკმარისი რაოდენობა ვერ მიიღო.

news
ავტ.: news ნოემბერი 14, 2019 14:04

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,725
ვიზიტორი
დღეში
Powered By Google Analytics