სალომე სამადაშვილი გავრცელებულ ჩანაწერზე – დიდი ძმა გვისმენს, ხვალვე ყველა დიპლომატიურ მისიას ექნება ინფორმაცია

თაიმერი timer.ge
ავტ.: თაიმერი timer.ge ნოემბერი 7, 2020 00:35

სალომე სამადაშვილი გავრცელებულ ჩანაწერზე – დიდი ძმა გვისმენს, ხვალვე ყველა დიპლომატიურ მისიას ექნება ინფორმაცია

„ნაციონალური მოძრაობის“ ერთ-ერთი ლიდერი სალომე სამადაშვილი ეხმაურება გავრცელებულ ჩანაწერს, რომელშიც სავარაუდოდ მისი ხმა ისმის.

„დიდი ძმა გვისმენს-ხვალვე ყველა დიპლომატიურ მისიას, ბრუსელს, ვაშინგტონს ექნება ინფორმაცია, რომ ჩემზე, საქართველოს პარლამენტის წევრზე, საქართველოს ტერიტორიაზე, ხორციელდება უკანონო მიყურადება და ჩემი პირადი საუბრების ჩაწერა. იმედის უნიჭო ‘კგბშნიკ’ დირექტორს თუ მიაჩნია, რომ ვინმე დააზიანა, გარდა საკუთარი პოლიტიკური პატრონისა, ჩემი პირადი საუბრების ჩანაწერების უნიჭო კომპილაციის გასაჯაროვებით, ძალიან ცდება. ეს მახინჯი სისტემა დაინგრევა, გპირდებით! (უკანონო მიყურადებაზე სისხლის სამართლის პასუხისმგებლობასაც, ვისაც ეკუთვნის)“, – წერს სალომე სამადაშვილი „ფეისბუქში“.

ტელეკომპანია „იმედმა“ უკრაინულ „ობოზრევატელზე“ დაყრდნობით გაავრცელა ჩანაწერები, რომელშიც სავარაუდოდ თემურ ალასანია და გუბაზ სანიკიძე, ასევე სალომე სამადაშვილი საუბრობენ.

თაიმერი timer.ge
ავტ.: თაიმერი timer.ge ნოემბერი 7, 2020 00:35