პარიზის ტერაქტებში მთავარმა ეჭვმიტანილმა, სალახ აბდესლამმა ფრანგ გამომძიებლებთან შეკითხვებზე პასუხის გაცემაზე უარი განაცხადა. ის დუმილის უფლებას იყენებს სასამართლო დარბაზში, სადაც დაკითხვა მიმდინარეობს.
“მან თავიდანვე განაცხადა, რომ დუმილის უფლებით ისარგებლებს და შეკითხვებზე არ უპასუხებს”- განაცხადა პროკურატურის წარმომადგენელმა.
აბდესლამი დღეს დილით გაძლიერებული დაცვით იქნა გადაყვანილი ციხიდან პარიზის სასამართლოში. ეს მისი პირველი დაკითხვაა საფრანგეთში ბელგიიდან დეპორტაციის შემდეგ.