გიორგი მარგველაშვილის მიმართ ირაკლი კობახიძის მიერ გაკეთებულ განცხადებას პრეზიდენტის ინსტიტუტზე შტურმად მიიჩნევს ფიქრია ჩიხრაძე. პრეზიდენტის მრჩეველი აცხადებს, რომ საკონსტიტუციო კომისია სადამსჯელო იარაღად გადაიქცა:
“თან კომიკურია და თან ტრაგიკული, როდესაც საკონსტიტუციო კომისია გადაიქცა სადამსჯელო იარაღად მათთვის არასასურველი და მათ გემოვნებაში არ ჩამჯდარი პრეზიდენტის მიმართ. სხვადასხვა ეტაპზე ჩვენ გვინახავს ასეთი თავდასხმების ტალღები. არც მომავალში გამოვრიცხავთ ამგვარი შეტევების ალბათობას, მაგრამ ერთი რამ ვიცით ცხადად, რომ ის ღირებულებითი ხაზი, რაც არჩეული აქვს საქართველოს პრეზიდენტს, ამ ინსტიტუციის დაცვისა და გაძლიერებისთვის, საქართველოში დემოკრატიული ინსტიტუტების დაცვისა და გაძლიერებისთვის, ეს იქნება შეუქცევადი,“ – აცხადებს ფიქრია ჩიხრაძე.