“სახელმწიფოს ნამდვილად მოუწევს, დადოს ძალიან მყარი არგუმენტები” – ლომჯარია მერაბიშვილის საკნიდან გაყვანის საქმეზე

თაიმერი timer.ge
: თაიმერი timer.ge მაისი 14, 2019 13:45

“სახელმწიფოს ნამდვილად მოუწევს, დადოს ძალიან მყარი არგუმენტები” – ლომჯარია მერაბიშვილის საკნიდან გაყვანის საქმეზე

ვანო მერაბიშვილის საკნიდან გაყვანის ეპიზოდი – ომბუდსმენის განცხადებით, გამოძიებამ უნდა გააცნობიეროს, რომ შედეგებს სტრასბურგის სასამართლო ყურადღებით დააკვირდება.

გარდა ამისა, ნინო ლომჯარიას განცხადებით, სახალხო დამცველმა არაერთხელ მიმართა საგამოძიებო უწყებას ყოფილი პრემიერის საკნიდან გაყვანის საქმეზე ობიექტური გამოძიება ჩაეტარებინათ.

„შეწყალების უფლება ეს არ არის უფლება. ეს არის პროცედურა და ადამიანის უფლებების ჭრილში ვერ განვიხილავთ შეწყალების პროცედურას. თუმცა, რაც შეეხება მისი საკნიდან გაყვანის გამოძიებას, ამასთან დაკავშირებით უკვე წლებია სახალხო დამცველი იძლევა რეკომენდაციას, რომ უნდა მოხდეს ამ ფაქტის გამოძიება. ამასთან დაკავშირებით არსებობს მინისტრთა კომიტეტის შესაბამისი რეკომენდაცია. თითზე ჩამოსათვლელი გადაწყვეტილებები აქვს სტრასბურგის სასამართლოს მე-18 მუხლის დარღვევასთან დაკავშირებით და ამ მუხლის დარღვევასთან დაკავშირებით გაცემულ რეკომენდაციებს განსაკუთრებული, ასე ვთქვათ, ინტერესით და ყურადღებით, მის აღსრულებას დააკვირდება სტრასბურგი და ამ შემთხვევაში სახელმწიფოს ნამდვილად მოუწევს, რომ დადოს ძალიან მყარი არგუმენტები,“- ნინო ლომჯარია.

ციხიდან გაყვანის ეპიზოდზე ვანო მერაბიშვილის დაკითხვა ე.წ. მატროსოვის ციხეში ცოტა ხანში დაიწყება.

მერაბიშვილმა საკნიდან გაყვანის შესახებ 2013 წელს განაცხადა, მაშინ გამოძიება დაიწყო, თუმცა მოკვლევამ ვერაფერი დაადგინა. მოგვიანებით კი გამოძიება ევროსასამართლოს დასკვნის საფუძველზე განახლდა. მერაბიშვილი საკნიდან გაყვანაში ყოფილ პროკურორს, ოთარ ფარცხალაძეს ადანაშაულებს.

თაიმერი timer.ge
: თაიმერი timer.ge მაისი 14, 2019 13:45

გამოკითხვა

ზუგდიდის მერობის არჩევნებში რომელი კანდიდატი გაიმარჯვებს?

  • სანდრა რულოვსი (66%, 1 551 ხმა)
  • გიორგი (გეგა) შენგელია (26%, 615 ხმა)
  • ზვიად სიჭინავა (4%, 103 ხმა)
  • თენგო ჯგუშია (3%, 81 ხმა)

ხმები სულ: 2 350

Google სტატისტიკა


6,751
ვიზიტორი
დღეში
Powered By Google Analytics