“ერთიანი ნაციონალური მოძრაობის” წევრი ზაალ უდუმაშვილი სკანდალურ აუდიო ჩანაწერს ეხმაურება.
მისი თქმით, სახელმწიფო უწყებები ჩამოშლილია და არსებულ ვითარებას სამართალდამცავი ორგანოების ნაცვლად, ბანდფორმირებები აკონტროლებენ.
„ეს ჩანაწერები კიდევ ერთხელ ადასტურებს, რომ სუბელიანს გააჩნია ძალიან ბევრი კომპრომატი ხელისუფლების წინააღმდეგ, რომელიც აქვს გადამალული და როცა უნდა მაშინ გამოიყენებს. მთლიანად ჩამოშლილია სახელმწიფო ინსტიტუტები. არ გვყავს შს სამინისტრო, არ გვყავს პროკურატურა, სამაგიეროდ გვყავს შეიარაღებული ბანდფორმირებები, რომლებიც აკონტროლებენ დღეს ქვეყანას” – აღნიშნავს ზაალ უდუმაშვილი.
