სახელმწიფო ინსპექტორის სამსახური მარიანა ჩოლოიანის გათავისუფლებასთან დაკავშირებით განცხადებას ავრცელებს

სახელმწიფო ინსპექტორის სამსახური მარიანა ჩოლოიანის საპატიმროდან გათავისუფლებას ეხმაურება. როგორც განცხადებაშია აღნიშნული, ყველა გადაწყვეტილებას უდიდესი მნიშვნელობა აქვს უპირველესად დაზარალებულის უფლებების დაცვის თვალსაზრისით.

„სახელმწიფო ინსპექტორის სამსახურის, როგორც მოხელეთა მიერ ჩადენილ დანაშაულებზე რეაგირების ორგანოს განმარტებით მ. ჩოლოიანის საქმე იყო ერთ-ერთი რეზონანსული და პრეცედენტული საქმე, რომელზეც სხვადასხვა ეტაპზე მიღებულ ყველა გადაწყვეტილებას აქვს უდიდესი მნიშვნელობა უპირველესად დაზარალებულის უფლებების დაცვის თვალსაზრისით, ამგვარი კატეგორიის დანაშაულების წინააღმდეგ ბრძოლაში, მათ შორის პრევენციასა და სამართალდამცავთა მიმართ ნდობის ამაღლების პროცესში.

დამატებით გვსურს განვაცხადოთ, რომ მ. ჩოლოიანის ვადამდელი გათავისუფლების შესახებ სახელმწიფო ინსპექტორის სამსახურისთვის მედიის საშუალებით გახდა ცნობილი“, – ნათქვამია განცხადებაში.

banner
წინა სტატიაშიხუციშვილი: 2026 წლისთვის მთავრობის ვალს შევამცირებთ
შემდეგი სტატიაიოსელიანი: მათ საჭიროდ ჩათვალეს, რომ ამ ანგარიშშიც კი სასამართლო ეხსენებინათ