შეერთებული შტატების სახელმწიფო დეპარტამენტის მდივნის მრჩეველი, შოლეტ დერეკი საქართველოს, მოლდოვასა და დიდ ბრიტანეთს ოფიციალური ვიზიტით ეწვევა. ამის შესახებ ინფორმაციას სახელმწიფო დეპარტამენტი ავრცელებს.
როგორც განცხადებაში წერია, ენტონი ბლინკენის მრჩეველი საქართველოში 18-19 მაისს ჩამოვა. ის მთავრობის წარმომადგენლებს, ოპოზიციასა და სამოქალაქო საზოგადოების წარმომადგენლებს შეხვდება. მთავარი განსახილველი თემა საქართველოს ოკუპაცია, ასევე უკრაინაში რუსეთის ომი და ევროატლანტიკური მომავლისკენ საქართველოს მისწრაფება იქნება.
