აშშ-ის სახელმწიფო მდივანი ენტონი ბლინკენი სომხეთის პრემიერ-მინისტრს, ნიკოლ ფაშინიანს ტელეფონით ესაუბრა. ამის შესახებ ინფორმაციას სახელმწიფო დეპარტამენტი ავრცელებს.
როგორც განცხადებაშია ნათქვამი, „მათ ისაუბრეს აზერბაიჯანის სამხედრო მოქმედებებზე ყარაბაღში და აშშ-მა დაადასტურა მხარდაჭერა სომხეთის სუვერენიტეტის, დამოუკიდებლობისა და ტერიტორიული მთლიანობის მიმართ“.
„ბლინკენმა გამოხატა შეერთებული შტატების ღრმა შეშფოთება ყარაბაღში ეთნიკურად სომეხი მოსახლეობის მიმართ. მან აღნიშნა, რომ შეერთებული შტატები მოუწოდებს აზერბაიჯანს, დაიცვას მშვიდობიანი მოსახლეობა და თავისი ვალდებულებები, პატივი სცეს ყარაბაღში მცხოვრები ადამიანის უფლებებსა და ფუნდამენტურ თავისუფლებას და უზრუნველყოს მისი ძალების დაცვა საერთაშორისო ჰუმანიტარულ სამართალთან“,- აღნიშნულია სახელმწიფო დეპარტამენტის ინფორმაციაში.
