სახელმწიფო დაცვის სპეციალური სამსახურიდან შესაძლო დათხოვნის მიზეზებს, სავარაუდოდ, საპენსიო ასაკი დაემატება, – შესაბამისი ცვლილებებია ინიცირებული საქართველოს პარლამენტში.
თავად სახელმწიფო დაცვის სპეციალური სამსახურის მიერ მომზადებული პროექტის თანახმად, „სახელმწიფო დაცვის სპეციალური სამსახურის” საქართველოს კანონის მე-11 მუხლის მეორე პუნქტში შესაძლო დათხოვნის საფუძვლებს დაემატება – „საპენსიო ასაკის გამო”. ხოლო, ამავე კანონის მე-10 მუხლში შედის ცვლილება, რომლის თანახმად, საპენსიო ასაკის შემდეგ თანამშრომელს განესაზღვრება სამსახურის ვადა შესაბამისი ბრძანებით, ან შრომითი ხელშეკრულებით.
კანონში ცვლილებების ინიციატორი საქართველოს მთავრობაა.
