სახალხო დამცველი, უჩა ნანუაშვილი სომეხთა წმინდა სამოციქულო მართლმადიდებელი ეკლესიის მრევლს სურბ სარგისის ხსენების დღეს ულოცავს, რომელიც წელს 11 თებერვალს აღინიშნება.
სომეხი ხალხისთვის განსაკუთრებულად მნიშვნელოვანი წმინდანის ხსოვნის დღესასწაული გამორჩეულად მდიდარი ხალხური წეს-ჩვეულებებითა და რიტუალებითაც აღინიშნება.
ამ საეკლესიო და ასევე სახალხო-საოჯახო დღესასწაულზე, სახალხო დამცველი სომეხ თანამოქალაქეებს სიკეთეს, მხნეობასა და მშვიდობას უსურვებს.