სახალხო დამცველი მოითხოვს, რომ არც ერთი დაკავებულის წინასწარი პატიმრობის ვადა არ გრძელდებოდეს 9 თვეზე მეტხანს. დღეს ომბუდსმენის ინიციატივით მიმდინარე მრგვალ მაგიდაზე არასამთავრობო სექტორის წარმომადგენლები და იურისტები მსჯელობენ.
საუბარია საკონსტიტუციო სასამართლოს იმ გადაწყვეტილების დამკვიდრებაზე, რომელიც გიგი უგულავას შეეხო. 15 სექტემბერს საკონსტიტუციო სასამართლომ მიიღო გადაწყვეტილება, რომ უგულავას წინასწარი პატიმრობა, რომელიც 9 თვეზე მეტ ხანს გაგრძელდა, უკანონო იყო და თბილისის ყოფილი მერი გაათავისუფლეს. ამ ფაქტის შემდეგ მსგავსი პრაქტიკა არც ერთ პატიმარზე არ გავრცელებულა.
