საჯარო სამსახურში დისტანციური მუშაობის შესახებ რეკომენდაცია ძალაში რჩება

თაიმერი timer.ge
ავტ.: თაიმერი timer.ge ივნისი 12, 2020 13:36

საჯარო სამსახურში დისტანციური მუშაობის შესახებ რეკომენდაცია ძალაში რჩება

უწყებათაშორისი საკოორდინაციო საბჭო საჯარო სამსახურში დისტანციურ მუშაობასთან დაკავშირებულ რეკომენდაციას ძალაში ტოვებს.

ამის შესახებ უწყებათაშორისი საკოორდინაციო საბჭოს დღევანდელი სხდომის შემდეგ პრემიერ-მინისტრის პრესსამსახურის მიერ გავრცელებულ ინფორმაციაში არის აღნიშნული.

„კვლავ ძალაში რჩება რეკომენდაცია, რომლის თანახმად, საჯარო სამსახურში დასაქმებული პირები მუშაობას დისტანციურ რეჟიმში განაგრძობენ.

ამ ეტაპზე, კვლავ ძალაში რჩება მკაცრი საკარანტინო რეჟიმი ბოლნისის მუნიციპალიტეტის ორ სოფელში – მუშევანსა და გეტაში“, – ნათქვამია გავრცელებულ პრესრელიზში და ასევე მითითებულია, რომ ამასთან დაკავშირებით დამატებით გადაწყვეტილებას უწყებათაშორისი საკოორდინაციო საბჭო იქ არსებული ეპიდემიოლოგიური მდგომარეობის განვითარების საფუძველზე მიიღებს.

დღევანდელ საკოორდინაციო საბჭოზე ასევე გადაწყდა, რომ საზოგადოებრივი თავშეყრის ადგილებში, ტრანსპორტსა და რესტორნებში დადგენილი წესებისა და სტანდარტების კონტროლი გამკაცრდება.

თაიმერი timer.ge
ავტ.: თაიმერი timer.ge ივნისი 12, 2020 13:36

Google სტატისტიკა


1,942
ვიზიტორი
დღეში
Powered By Google Analytics