საირმის საკარანტინო სივრცეში, ხუთი მოქალაქე თვითიზოლაციის წესის დარღვევისთვის სამართალდამცველებმა იძულებით გადაიყვანეს. ამის შესახებ ინფორმაციას ადასტურებს დაავადებათა კონტროლის იმერეთის სამმართველოს უფროსი გოჩა გიორგიძე.
გიორგაძის განცხადებით, თვითიზოლაციის წესი მოქალაქეებმა ქვეყნის სხვადასხვა რეგიონშიც დაარღვიეს.
ბოლო ინფორმაციით საირმის საკარანტინო ზონაში 49 მოქალაქე იმყოფება. დაავადებათა კონტროლის იმერეთის სამმართველოს უფროსის თქმით, მოქალაქეებს კორონავირუსისთვის დამახასიათებელი სიმპტომები არ აღენიშნებათ.
